వాస్తు అవసరమా? దాని ప్రభావం ఎంతవరకూ......?

"ఎన్నోసార్లు రమ్మన్నా రాలేదు. మా ఇల్లు చూద్దువుగాని రా" అన్నాడు కొలీగ్.
"ఇప్పుడా?" అన్నాను.
"అవును. ఆఫీసు నుండి నేరుగా మా ఇంటికే వెళ్దాం. ఎవరో అద్దెకు అడుగుతున్నారు. ఇల్లు చూస్కుంటారుట" అన్నడు ఈమధ్యనే కొత్త స్వంత ఇంట్లోంచి మరలా క్వార్టర్ల లోనికి మారిన మా వాడు.
వెళ్ళాం. ఎవరో వచ్చారు. చూశారు. చివర్లో ' మీ ఇంటికి ఆగ్నేయ రోడ్డు శూల ఉంది! అది మంచిది కాదు. అందుకే సంశయం!' అన్నారు.
వెంటనే నేను కల్పించుకొని "అదే రోడ్డు ఈ ప్రక్కవారికి కూడా ఎదురుగానే వుంది కదా!' అన్నాను.
" వారికి అది ఈశాన్యం అయ్యింది. అది చాలా మంచిది." అన్నారు.
'ఇప్పటికేనా అర్ధం అయ్యిందా! మా ఇంట్లో అద్దెకు కూడా ఎవరూ దిగక పోవడానికి కారణం?' అన్నట్లు చూశాడు మా వాడు.
"వాస్తు ప్రభావం యజమానికేనా లేక అందులో అద్దెకు ఉన్నవారికి కూడానా?" ఇది నా సందేహం!
" నీ ఇల్లు మాత్రం అంతా వాస్తు పరంగా కట్టుకున్నావ్!" మా వాడి ఈర్ష్య.
-నిజమే. మా ఇల్లు వాస్తు ప్రకారమే కట్టేరు(ట)! అంతా మా బిల్డరు చూస్కున్నాడు, అడగకపోయినా మా కొలీగ్స్ సలహాలిచ్చారు.
"ఇంతకీ వాస్తు అవసరమా? దాని ప్రభావం ఎంతవరకూ నిజం?"